दीपक कदम यांना मी ' साहेब म्हणतो..... डॉ.भालचंद्र मुणगेकर

आंबेडकरवादी मिशन ला भेट देऊन विद्यार्थ्यांना मार्गदर्शन करताना डॉ. भालचंद्र मुणगेकर.

दिपक कदम हे माझ्यापेक्षा वयाने  माझा पेक्षा

खूप लहान आहेत पण मी त्यांना साहेब म्हणतो, मी मुळात wप्राध्यापक असल्यामुळे मी कोणालाही सहाजा सहजी साहेब म्हणत नाही. प्रशासकीय अधिकाऱ्यांना साहेब म्हणले जाते . पण तहसीलदार पदाचा त्याग करून सर्वसामान्य कामगार  यांच्या सहकार्याने नांदेड येथे आंबेडकरवादी मिशन अभ्यास केंद्राची भव्य यंत्रणा उभी करून तीनशे विद्यार्थ्यांना निवासाची स्पर्धात्मक अभ्यास करण्याची सुविधा उपलब्ध करून देऊन शेकडो विद्यार्थ्यांना त्यांनी स्पर्धा परीक्षेत यश मिळवून दिली आहे, ही त्यांची प्रत्यक्ष कृती आत्यंतिक महत्त्वपूर्ण आहे म्हणून  मी त्यांना कृतज्ञता पूर्वक साहेब म्हणतो. डॉ बाबासाहेब आंबेडकरा वर अनेक लोक भाषणे करतात अनेक लोक बोलतात पण प्रत्यक्ष कृती फार कमी लोक करतात त्यामध्ये दीपक कदम यांचा समावेश आहे त्यांनी कृतीमधून ही यंत्रणा उभी करून संपूर्ण देशामध्ये अशा पद्धतीची यंत्रणा सरकारच्या किंवा राजकीय मदतीविना उभारू शकतो याचे एक यशस्वी उदाहरण समाजासमोर ठेवले आहे.

           दिल्लीमध्ये प्लॅनिंग कमिशनचे सदस्य असताना दीपक कदम यांची दिल्लीत 2008 ,2009 मध्ये दोन वेळा भेट झाल्याचे मला आठवते. Rule by pen and brain हा डॉ. बाबासाहेब आंबेडकरांचा संदेश समोर ठेवून दीपक कदम प्रत्यक्ष कृती द्वारे तरुणांची पिढी घडवत आहेत.

अत्तराचा सुगंध घेण्यासाठी  नाकाजवळ हाताला जवळ न्याव  लागतं तर गटाराची दुर्गंधीही दुरून येते त्याप्रमाणे दिपक कदम हे आपल्या समाजातील अत्तराचा फाया होय त्यांच्याजवळ गेल्यावरच त्यांच्या कार्याची महती स्पष्ट होते..

दिवसाच्या प्रारंभापासून ते रात्री झोपेपर्यंत आपण कधीच निगेटिव्ह विचार करत नाही असे याप्रसंगी डॉ. मुणगेकर यांनी विद्यार्थ्यांना आपल्या यशाचे गमक सांगताना स्पष्ट केले.

इयत्ता नववी पर्यंत इंग्रजी येत नव्हते पण पुढे आपण इंग्रजीमध्ये व सर्व विषयात आपल्या शाळेतून प्रथम आल्याचे विद्यार्थ्यांना सांगून मी असा जगलो हे आपले दहावीपर्यंतचे आत्मचरित्र सर्व विद्यार्थ्यांनी वाचावे असे डॉ. मुंनगेकर यांनी स्पष्ट केले .इंग्रजी सुधारण्यासाठी दररोज एक तास लिखान व बोलण्याचा सराव करा याशिवाय इंग्लिश एररस ऑफ  इंडियन स्टुडन्ट हे पुस्तक प्रत्येक विद्यार्थ्यांनी वाचावे असे याप्रसंगी त्यांनी विद्यार्थ्यांना सुचित केले.

 डॉक्टर बाबासाहेब आंबेडकरांचे 15000 पानांची लिखाण वाचण्यासाठी आपणास सात वर्षाचा वेळ लागला त्या आधारावर आपण इसेन्स ऑफ आंबेडकर हा ग्रंथ लिहिला त्याचे आठवी आवृत्ती सध्या प्रकाशित करण्यात आली आहे तरी सुद्धा डॉक्टर बाबासाहेब आंबेडकर हे मला पूर्ण समजले असा दावा मी करू शकत नाही एवढी महान विद्वत्ता डॉक्टर बाबासाहेब आंबेडकरांची असल्याचे त्यांनी याप्रसंगी विनय पूर्वक नमूद केले. कोलंबिया युनिव्हर्सिटीमध्ये डॉक्टर बाबासाहेब आंबेडकरांचा एकमेव पुतळा आहे.कोलंबिया विद्यापीठ व लंडन स्कूल ऑफ इकॉनॉमिक्स या दोन विद्यापीठांमधून अर्थशास्त्राची पीएचडी व डीएससी घेणारे ते जगातील एकमेव विद्यार्थी आहेत.

डॉक्टर बाबासाहेब आंबेडकरांचा आदर्श विद्यार्थ्यांनी समोर ठेवावा आणि आंबेडकरवादी मिशन मध्ये उभारलेल्या यंत्रणेचा पुरेपूर लाभ घ्यावा असे आवाहन याप्रसंगी केलें.

आगामी काळात आपण मिशन केंद्रात येऊन  दिवस विद्यार्थ्यांमध्ये राहून विद्यार्थ्यांना मार्गदर्शन करू असे आश्‍वासन त्यांनी याप्रसंगी विद्यार्थ्यांना दिले.

आंबेडकरवादी या सर्वोच्च सामाजिक पुरस्काराने डॉक्टर भालचंद्र मुणगेकर यांचा गौरव याप्रसंगी दीपक कदम प्रमुख आंबेडकरवादी मिशन यांनी केला. 

याप्रसंगी शिवाजी सोनकांबळे, दत्ताहरी धोत्रे ,अविनाश नाईक ,प्रा. कैलास राठोड , शेषराव वाघमारे,नदा वाघमारे ,अलका गायकवाड ,

नितीन एगडे आदी प्रामुख्याने उपस्थित होते.

दिनांक 18 डिसेंबर २०२१.

स्थळ आंबेडकरवादी मिशन अभ्यास केंद्र..(विद्यार्थ्यांना मार्गदर्शन)

डॉक्टर भालचंद्र मुणगेकर सर 

माजी कुलगुरू मुंबई विद्यापीठ .

माजी खासदार राज्यसभा .

माजी सदस्य नियोजन आयोग.